RUBANI WA NDEGE YA UJERUMANI ILIYOPATA AJALI NCHINI UFARANSA ALIANGUSHA KIMAKUSUDI

Rubani wa ndege ya kampuni ya Germanywings ilioanguka katika milima ya Alps nchini Ufaransa siku ya jumanne alitaka kuiharibu ndege hiyo kulingana na maafisa wa Ufaransa.Kiongozi wa mashtaka katika mji wa Mersaille ,Brice Robin, akizungumza kulingana na habari aliyopata katika kijisanduku cha kunasa sauti katika ndege amesema kuwa rubani huyo alikuwa ndani ya chumba cha kuendesha ndege pekee.
 
Rubani huyo kimakusudi aliishusha ndege hiyo kwa kasi huku rubani mwenza akiwa nje ya chumba hicho cha kuendesha ndege.Bwana Robin alisema kuwa kulikuwa na kimya kikubwa ndani ya chumba hicho wakati rubani mwenza alipojaribu kuingia kwa nguvu.
 
 
Ndege hiyo aina ya Airbus 320 iliyokuwa inatoka Barcelona kuelekea Duesseldorf Ujerumani iligonga mlima na kuwaua abiria wote 144 pamoja na wafanyakazi sita wa ndege.
"Tunasikia rubani akimuuliza rubani mwenza kuchukua udhibiti wa usukani wa ndege hiyo na vile vile tunasikia sauti ya kiti kikisonga nyumana mlio wa mlango ukifungwa," Bwana Robin aliwaambia waandishi wa habari.